احلى يوم .. واسوء يووم ..

مرحبا

يا اااااااال ويكب

كيفكم ان شاء الله بخير <<<<<<<<< تسال كانها ماشافتهم وهم كلهم تقريبا في الغرفه الي جنبي


يالله


ابي من كل واحد فيكم بكتب لنا احلى يوم مر عليه واسوء يوم مر عليه


ومو شرط يكون يوم واحد

يعني كل مره يكتب لنا يوم حلو مر عليه ويوم سيئ مر عليه


لان الايام الحلوه واجد ... والايام السيئه الله يقللها بعد مو شوي


يالله بانتضاركم

هاي ام الفونس حلو السؤال
بالنسبه للايام الحلوه :
يوم طلعت نتايج الثانويه العامه
يوم الخطوبه
يوم شرحت بريزنتيشن لاول مره
يوم التخرج
يوم حفلة تيما
اما الايام السيئه :
بوم كنت انتظر ابراهيم البشر ساعاتين عشان يوصل المدارس ويرجعلي او يجيبني من الصبح وانا محاظرتي عشر اوتسع
يوم طحت واحنا نشيل اغراض البيت
يوم انكرفت في المزرعه في الرطوبه القاتله
اهي اشياء كثيره بس هذا الي تذكرته الحين

ياي حلو الموضوع ببدأ بالحلو

احلى يوم بالنسبه لي

1- يوم شريت الاب توب >>>>>>>>>>>>>>>كنت سعيده حيل
2- يوم شريت الجوال >>>>>>>>>>>>>>>تدرون شكلي سخيفه نوعا ما
3- يوم ينولد فارس صحيح كان علي اختبار في اليوم اللي بعده ولاقدرت اذاكر وحليت زفت بس كنت مبسوطه حيييييييييييييييييييييييل وماهمني الاختبار
4- يوم رحت فرنسا من رحنا مطار البحرين وصولا مطار فرنسا صحيح كان تعب بس كان من احلى ايام عمري واحلى سفره في حياتي ولا راح انساها
5- زواج اسما (ازمه ) احبه ذاك اليوم ومن احلى الايام
6- يوم من ايام عيد الاضحى سنه 2007 كان على مااعتقد ثالث ايام العيد رحنا مع بنات عمي وعيال خالتي شيخه العثيم احبه ذاك اليوم حيل
7- وبعد يوم من ايام عيد الاضحى نفس الشي 2007 رابع يوم كان برد حيل وقعدنا بره ولا دخلنا برررررررررررررررررررررد حيل وناسه كان يما بردت
وفيه كثير


ومن اسوأ الايام ان شاء الله ماينعاد يارب >>>>>>>>>>>>>>يوم يصير الحادث كان يوم صعب حيل علي

اختربوا شفايفي

يلا الحمد لله

انا ببدأ باسوأ يوم....
يوم الخميس اللي راح كان التاريخ 22-8-2008 واللي راحو معاي بيت الباشا يدرون ليه...
يوم اختبار القياس لاني كنت تعباااااااااااااااااااااانه حيــــــــــــــــــــــل وكنت مضطرة افكر واحل وكانت الصاله برررررررررررررررررد وكنت لابسه تنورة طويلة
يوم الفحص الطبي حق ارامكو خلصو دمي فيه وكنت صايمه 17 ساعه اكره الجوع اكرهه >>>>بس رجعت البيت وطلبت بيتزا
يوم شهادات ثاني ثانوي الترم الاول
اول يوم دراسي لثاني ثانوي كان يلوع الكبد اولا لان شعري كان خايس وثانيا اكتشفت اني في بنت اعرفها صار عليها حادث ومحد يدري وش صار فيها وكان كله صياح وغلقه
يوم تهاوشت مع ابلة سميرة.... الله يقهرها زي ما قهرتني



واحلى يوم ...
يوم اختبار القياس بس بعد ما طلعت من الاختبار لاني رحت المدرسة عشان اخذ الشهادة ... واكتشفت اني ماخذه 100% ... وبعدها رحت زرت جدتي في المستشفى وكانت عمتي نوال وخالي عبد الله واحمد اخوي وبابا وماما وعوشي وخالتي مريوم كلهم هناك.... احب ذاك اليوم..
يوم طلع قبولي في ارامكو
يوم حفلتي الجمعه اللي راح بعد الخميس السيء هسترنا ورقصنا واستهبلنا ونااااااااسه
يوم عرس اسمااااااااا اموووووت عليه ذاك اليوم
يوم رحنا العثيم انا واسما وسارة ومريم ونورة وقعدنا في دهليز >>>>>>مستحيل انسى الضحك
يوم تسبحنا في بركة بيت عمي ولعبنا في الكور
يوم رابع من عيد الاضحى لما بنات دختورة كانو موجودين وكان برررررررررررررررررررد حييييييييييييييييل وقعدنا نلعب ونستهبل برا
يوم خطوبة امل....حبيت فستاني حيييييييل بس للأسف ما صورت بس كان فلة >>>اهم شي شعر شعر مهرة و حقت الدي جي الخبلة
يوم عبد الله جا من امريكا لأول مرة صيف 2006لما انا وسارة رحنا واشترينا اغراض بنسوي له حفلة تنكريه لبسنا خلاقين كانت اشكالنا شيء عجييييييييييب
يوم طلعت انا وصديقاتي كلهم المطعم
يوم اشتروا لي الاب توب كانت مفاجأة تجنن
يوم انكسرت رجلي >>>>ادري المفروض يكون من اسوأالايام بس استانست لما انكسرت حسيت واو تغيير
يوم انا وامل واسما وسارة نزلنا المطبخ كاشخين متشخلعين اللي لابسه تنورة قصيرة واللي لابسه بدي بعدين فجأة جا سعود وانحشنا الحوش واسما لبست جلال صلاة وامل لبست جلابية جدتي مستحييييييل انسى اللي على سارةهههههههههههههههه >>>>>>>>ابي صيف 2006 من جديد
اليوم اللي خلصت فيه امتحانات الثانويه اااااااااااااااااااااااه كان وناسه في المدرسه وفي الليل لما نزلت عند خلق الله وقعدت انقز وارقص للحين ما ادري كيف سويت كل هالبلاوي عند الناس

ياااااااااااااي

احلى ايامي

1- يوم الملكه والخطوبه والزواج <<<<<<< مع ان الصاله نرفزني جدارها الاصفر بس ماعليه
2- يوم 15 رمضان الماضي الي عرفت فيه اني حبلى على قولة ساره هههههه حبيبي بيتر
3- اليوم الي سمعت فيه دقات قلب حبيبي فروسه وهو في بطني واليوم الي عرفت فيه انه ولد وشفت وجهه كان حاط يده على جبهته اااااي قلبي احبه
4- اليوم الي ولدت فيه فرررروسه ( لاني شفت فارس وافتكيت من المتن وشفت فرحه غير طبيعيه في عيون ماما حبيبتي )
5- اليوم الي عرفت فيه اني بكمل بكالوريوس
6- واليوم الي ناقشت فيه مشروع التخرج وعجب بومدين الكلب
7- ويوم حفلة تخرج فطوووم رقصت رقص من زمان مارقصته
8- اليوم الي سهرنا انا وامل وساره في بحر الريتز في البحرين ومشينا على البحر بدون عبايات وكان الجو مره رومااااانس ( على فكره كان قسم البحر مسكر ومطفيه لمباته ومافيه احد غيرنا في الظلام <<<<< عشان الاشاعات)
9- رحلة فرنسا وخصوصا يوم ديزني واليوم الي دخلوا فيه اهلنا فيلم شريك وضلينا انا وامل نمشي في الشانزليزيه ومطررر خفيف والجوو روعه كاااان زي الحلم واليوم الي كنا في حديقة اللوفر وطاااااااح مطر ووواجد وصرنا نركض ونتخبى من المطر تحت الشجر ااااااااااااه زي الحلم بالضبط جنة الله في ارضه اااااااااااابي باااااااااااريس تعبت من الغبار والحر



باقي واجد بس هذا الي اتذكر


اسوء الايام :

1- يوم سافرت فرنسا وطاارت الطياره من البحرين طليت من النافذه شفت البحرين كنها نقطه حسيت ان انورررر بعيد حييييييييل وتعبت وووووووواجد وكل يوم في فرنسا كان حلو وسيئ في نفس الوقت كل مااستانست اشووف من انور رسايل تقطع القلب بغيت انتحر حتى لطم الصخونه طلع لي من الزعل
سبحان الله البعد شئ بعور القلب بكل معنى الكلمه ( الله يعين امي والله عرفت ذاك اليوم وش تحس فيه )

2- يوم الولاده صج كان حلو بس بنفس الوقت كان فلم مرعب وسيئ بعد بس الحمدلله طلع لي فوله على قولة ساره

3- كل يوم اشوف ماما تعبانه فيه

5- الايام الي اتخذت فيه قرار الزواج من الاستاذ ابو فارس ( مدري من وين انسدح لي وتعبني وانا افكررررررر كنت قاعده مبسوطه العب سوليتير وداخله نت ومروقه جا وعفسني شهر كامل وانا يوم ايه ويوم لا )


6- يوم الخميس الي فات يوم قاموا يعايروني بدار العلوم عاد من زينها اسوء سنه بحياتي يوم قررت اروح دار العلوم واطاوعهم وافشل فشل ذريع للحين خاطري اعيد ذيك السنه واذاكر زي الناس بس الحمدلله اني حققت معدل حلو بالجامعه واثبت لنفسي اني مو فاشله


7- يوم يطهرون فارس اااااااه يابعد قلبي بغى يوقف قلبي متت الف مره وانا اسمعه يصيح <<<<<<<< قاعده اصيح الحين لاني تذكرت ذاك اليوم

8- الليوم الي طعموه فيه بعد... ااااااه ياعمري عذبوني ليش يعورون حبيبي <<<<<<<< بموووت من الصياح ماسوى فيني خير هرمون الامومه ( هرمون جديد خخخ)

انا ببدا باسوا الايام
يوم رحت الملعب وكنت سعيد >>>الحادثه كنت العب كوره وجيت مسرع وقابلني واحد ورقعت فيه ودخل نابي في الشفه السفليه وانشقت الشفه من داخل ومن باره ودم يصب

يوم انشقت الكوره الي من فرنسا


والحين احلا ايام
اول ماجاب عبدالله اخوي بلي ستيشن 3 كان اخر الايم في الدراسه والاختبارت بعد اسبوع قعدت العب الساعه 2 اليل
يوم فاز مانشستر على روما 7-1

احسن ايام حياتي

١.يوم حفله خطوبتي..كنت مبسوطه..كلشي صار مثل مارتبت..وانبسطت مره..مثل ماكنت احلم

٢. يوم عرسي لما دخلت القاعه على الزفه ..كانت رهيبه مره مع الاضاءه وترتيب الصاله ريحني..كنت خايفه من التماسيح واسعدني ان القاعه كانت تبيض الوجه

٣. لما لبست فستان عرسي..كنت جميله على الاقل في عيني

٤. حفله تخرجي من الجامعه

٥. لما خلصت تطبيق

٦. يوم ولدت اسما..الفونسو كان حقي ..حبيبي

٧. حفله تخرج احمد في روضه ثاني..كان جدا رائع على المسرح خلاني اصيح من سعادتي فيه

٨. حفله تخرج احمد تمهيدي .. اهو اللي قرأ القران في افتتاحيه الحفل ..قرأ سوره القدر .. كان بروحه على المسرح وقعد مثل الابطال وقرأ قرائه ممتازه بالتجويد..كانت المفاجأه انو احنا ماندري انه بيقرا

٩. لما يضحك احمد احس بسعاده لاتوصف

١٠. لما نزلت في باريس امشي لحالي ،،،،طبعا كنت صحيت الصبح زهقانه وكلهم نايمين ..قعدت اسما مارضت تنزل،،، وجاتني حاله الحركات القويه..قلت لنفسي ليه ماسوي فيها قويه واسوي شي من غير ماافكر في احد

ونزلت الصبح بروحي وقعدت على النت في الاستقبال وطلعت اتمشى في حديقه اللاديفانس ...واو براااااااد وجو وناس كاشخه بتروح الدوام( يونجور ) رحت خذيت كتاب وقعدت اقرا واقرا واتمشى واتنفس

والعن الحسا واهل الحسا المعقدين..حسيت اني حرره حسيت باحساس ولد سعودي

بلا قيود

١١. كل يوم في فرنسا كان سعاده لاتوصف

١٢. فيه يوم في البحرين من زمان مع عبدالله اخوي
ابوي زهق منا وخلانا في السينما مع عبدالله ورجعنا متاخر وكنا مبسوطين ...انا الاحظ ان كل يوم انا في مبسوطه اكون بعيد عن كل اشكال الحساويه اللي يغثوني

١٣. لما جابلي مبارك الابل هديه


اسوأ يوم في حياتي

١. يوم اكتشفت ان الفونسو مش حقي

في لحظه كانت اسما تعبانه عقب ماولدت وانا كنا العب في الفونسو

كانت مش فاضيه له ..وانا جاتني حاله نفسيه ..والله كنت مقتنعه انه حقي

يوم قامت تمسكه وينام عندها وتطلع فيه

الضمير عندي فهم انه مش حقي

زعلت زعل
انكسرت من داخل ،،احسها باقت ولدي..يمكن لانه حلو انا تحمست بالخيال..لو شين يمكن ماندفعت واجد

٢. ايام واجد تدخلت فيها شخصيه حقيره كلكم تعرفونها..اسؤ يوم يوم اكتشفت حقيقته...تحطمت يبدأ بحرف القاف

٣. يوم ودعت صديقاتي في الجامعه اخر يوم امتحنا فيه

٤. كل الايام اللي اسمع فيها سؤال ماله داعي

٥. ايام المدرسه في الانجال

اممممممممم هذا اللي اتذكر الحين

صدقيني لو الفونسو شي ينهدى مااغليته عليك

وهو صحيح ولدك

بس بشرط

تجيبين لي بنت

عشان يصير عندي بنت وولد

وانتي عندك بنت وولد

وكل وحده فينا تعبت ومتنت وولدت مره وحده بس

عصفورين بحجر يعني

ههههههههههههههه حلوة حسيتي بأحساس ولد سعودي

شنو رايك يعني

بذمتك

شنو اقصى حريه حسيتي فيها

من غير تانيب ضمير لانك كنتي مبسوطه لانك حره

والا من غير لاتجيك كلمتين تذكرك انك ......... عيب ....... بنت

كل احساس بالحريه ...احساس رجل


عذرا...بس انسجمت ..عصبت

باي

انا حبيت السؤال ويمكن اكون تاخرت في الرد عليه لكن الاشياء الحلوه كثيرة ماعتقد بذكرها كلها بس اللي في بالي حاليا
1- يوم تولد امي باحمد حبيبي كنت انا اللي نفستها
2-يوم يخطبني عبدالرحمن ويكلموني خواته يقولون لي انهم عرضو عليه بنات واجد بس هو فكر فيني ساعتها حسيت اني محظوظة لاني ماكنت اعرفه اصلا خخخخ
3- حفل تخرج ابراهيم اخوي الله يحفظه كانت سعادتي فيه لاتوصف لين ثاني يوم وانا اصيح الله يبلغني بفرحة زواجه بوجودكم اجمعين
4- حفل تخرجي من الجامعه كان يوم مضحك جدا جدا
5- اخر يوم طبقت فيه حسيت اني افتكيت من هم اسمه دراسه
6- يوم خطوبتي ويوم زواجي وقتها ماحسيت اني عروس الا لما مسكت الورد وطلعت للناس امشي كني مكوكه اركض للكرسي.........مستعجله على القعده
7-يوم تطلع عمتي منى من المستشفى والد بفوز ساعتها حسيت بسعاده انها افتكت ودعيت ربي انها ماترجع تتنوم لانها من حملت وهي منومه زهقنا واحنا نزوها ترى
8-ويوم خالتي فاطمة في زواج محمد لما دخل الصاله تركض وتصفق وراه فرحت لها خاصة انه عذبها بالموت رضى يتزوج
9- أكبر سعاده لي واحلاها لما اشوف امي مبسوطه وتضحك وابوي مرتاح مايشغله شي الله يخليهم لنا ولا يحرمنا شوفتهم امين
10 - اول ماركبت الطيارة رايحة للحج وقتها حسيت اني فعلا مؤمنه وبروح اقضي فرضي الله لايحرم هالشعور لاحد زين ماطبيت من الطيارة عشان اقول انا فرحانه


اما الايام السيئه
اولها لما سافرت شهر العسل وبعدت عن بيتنا وعن خواتي وقالو لي انه ريم تعبانه لانها كانت بنتي تنام عندي ياحياتي عليها
ويوم مرضت عمتي مريم وطلع لها البهاق ساعتها كنت ابي اسوي لها شي بس مو عارفه
يوم دريت ان خالتي نوال حملت بنورة تضايقت لاني احب حمود حبيبي وكنت عارفه انها لو بتجيب طفل ثاني يمكن يقل اهتمامها فيه وفعلا جات نورة الشريرة (سعرة) واحتكرت خالتي لها بروحها
يوم قالي عبدالرحمن انه بيبيع سيارتنا طبعا كانت بيني وبينها عشرة 6 سنوات
اليوم يضربني فيه صداع ويلعب فيني ويخليني اكرة شي اسمه كلام ااااااااه ياراسي
وبس

ابي احج

حتى انا

انا ابي اعتمر اول

يلا وياك خذيني

تقدرين تعتمرين وحجين مره وحده

اقول الله يلعن السفاره
من يوم
ماطلعولي الفيزا وانا مغتلق