مواقف محرجة :)

كثير تصير لنا مواقف تكون فعلا فعلا محرجه

ولاصارت تحس كن احد صمعك على راسك وتضل الدنيا تفتر تفتر فيك

وكل مره تتذكرها تنصمع مره ثانيه على الهد حقك <<<< الراس حقك

شرايكم كل واحد فيكم يفضفض لنا بمواقفه المصموعيه



عشان اشجعكم بقول لكم اكثر موقف محرج صار لي بحياتي

ولاني تذكرته وانصمعت بهاللحظه فكرت انزل هالموضوع ونضحك شوي على بعض خخخخخخخخخخ


يالله بقوول لكم


في يوم من الايام وفي لليله من ليالي رمضان الي توه راح

قررنا انا وانور نروح البحرين ونرجع بنفس الليله حطينا ابو الفوارس عند امي ومشينا
المهم ومالكم بالطويله
على الساعه 12 رحعنا الخبر ونزلنا مطعم اسمه جوانا على مااعتقد
المطعم مرررره فخم على البحر ويتعب يعني باختصار تحس نفسك مستانس وانت فيه وتحس انك مرفع خخخخ
تعشينا وخلصنا وقلت لانور بدخل الحمام قبل لانمشي
دخلت
كانوا توهم مغسلينه فالارضيه شوي فيها ماي
رفعت عباتي
ووبعد ماغسلت ونزلتها الظاهر انها من ورى علقت بسير البنطلون


طلعت بكل ثقه وانور قدامي باخر الممر يم المصعد ينتظر

وعلى الكنبات جنب المصعد فيه مليون بنت يمكن ( اشوى مافيه رجاجيل)

وانا امشي بكل ثقه وواذا اسمع صوت ينادي من الخلف

لو سمحتي لو سمحتي بعدين بصوت واطي( نزلي العباه )

انااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا


طبعا
طبعا


انصمعت
نزلتها وكملت طريقي

وانور شاف الموقف ومافهم لانه ماسمع
دخلنا المصعد وهو يسالني شتقولك البنت شفيها

قلت له ولاشي ومذكر وش الترقيعه الي رقعتها له عشان مااتفشل قدامه

نزلنا وهو يسولف وداخل جووو وانا ماااااااااااااااادري شيقول مصموعه وانا امشي

حرررررررررررررر مت من الحرررررر

في السياره واحنا راجعين اضحك ضحك المتفشلين وهو مستانس يقولي اشوى شكلك انبسطتي اليوم ههههههههههههههههههههههه

وانا لاتذكرت من الفشيله اضحك
وانصمع ياويلي ويلاه

صرت من ادخل حمام طول الوقت المس عباتي
واحمد ربي الف مره
اان المطعم ظلام قالك رومانسي
وان هالموقف ماصار لي في الراشد مثلا حيث يتكاثر الرجال بالانشطار

اااااه
بس


يالله ابي مواقفكم

يوم اقول لميمي ساعه الالماس حسافه فيها الفلوس لانها ماتبين انها الماس

طاح وجهي
لما طلعت يدها
ماعرفت ارقع

ومره قلت للويلو هالخزامات اللي تحطينها تلوع الكبد
الكل يتطنز عليك

حسيت اني حرانه
مدري شلون طلع مني الكلام
بس صدق مو قادره على خزاماتها
بس ذاك اليوم مت من الحر

يوه اسمااااااااااا موقفك ذا بخليني اشيك على عمري حتى في البيت


انا الموقف اللي صارلي قريب من اللي صارلك كنت نازله من السيارة اسولف
والهذرة ماخذه دورها لدرجة اني فتحت وجهي في الشارع وفتحت العباة ماباقي الا افصخها
ولما دخلت البيت مديت يدي بفتح النقاب اكتشفت اني فاتحته
والمشكله انه عبدالرحمن كان قدامي ماشافني ولما صرخت من الصدمه طلع يتاكد انه مافيه احد في الشارع
واكتشف انه مليان الجيران من الصوبين طالعين على الهدوء اللي كان في الحارة .

وموقف مر مع فوزيه ام خالد لما قالت لعمتي منى احنا مانبي احد يقول عنا كذابين وكلامنا قول بدون فعل
وانا جالسه واهم يبون يملكون حسيت اني مو بس محترة الا قاعده في تنور لاني انا اللي قلت عنهم كذا قدام لولو العروس

حلوه فاتحه وجهك
هههههههههههههههههه

اسما مره كذا سوت
لبست عباتها وكشخت بالنقاب وفتحته وشالت ولدها بتطلع

مت من الضحك عليها